Monday, May 31, 2010

ဒီစာမျက်နှာ ပေါ်က ကဗျာရေးချင်နေတဲ့ စိတ်ဟာ





ကဗျာရေးချင်နေတဲ့ စိတ်ဟာ 
ဖိုင်တွဲကိုဖွင့်တယ်
စာရွက်လွတ်နဲနဲကိုယူတယ်
စာရွက်လွတ်တွေ အပေါ်မှာ စိတ်ထဲမှာ
ရှိနေတာ တစ်ခုခုကို ချရေးလိုက်မလို့ပဲ . . . 
ခက်နေတာက
ဒီစာမျက်နှာလေး အပေါ်မှာ
ကမ္ဘာကြီး တစ်ခုလုံးကို ထိုးကြိတ်ထည့်ထားလို့မရခြင်းပဲ
ဥပမာ . . .
အကြမ်းဖက်သမားတွေရဲ့ ကိစ္စ
ကမ္ဘာကြီး ပူနွေးလာမှုနဲ့ ဖန်လုံအိမ်အာနိသင်
အသားအရောင် ခွဲခြားမှု ၊ လိင်တူ ချစ်သူများရဲ့အခွင့်အရေး
ငါတို့ရဲ့အသဲကွဲ သီချင်းတွေ
နိုင်ငံတော် ပျောက်ဆုံးသူများရဲ့ အော်သံ
ရေအရင်းမြစ်ရှားပါးမှု
ငွေကြေးဖောင်းပွမှုများနှင့် ဘေးထွက်ဆိုးကျိုး 
ရွှေ့ပြောင်း အလုပ်သမားတွေရဲ့မရွှေ့ပြောင်းနိုင်သေးသော ပြဿနာ
ပေါ့ပ်ယဉ်ကျေးမှုရဲ့ လိင်သင်္ကေတ ဟာ 
ရွှေမင်းသမီးပါးရိုက်ခြင်းမှသည် ဘလော့များအပေါ် ကူးပြောင်းခြင်း
တစ်ချို့ပြောတော့ စီတီဇင်ဂျာနယ်လစ်
အယ်လ်ကေးဒါးတွေ မီလျှံနာဖြစ်နေတဲ့ ကိစ္စ
ဘောလုံးပွဲလောင်းတဲ့ သူတော်စင်များ
အယ်လ်ပီကဗျာနဲ့ ပို့စ်မော်ဒန် အကြောင်း
ဘလော့ အပေါ်မှာ စာတိုပေစ အနည်းငယ် ရေးပြီး
ကိုယ့်ကိုယ်ကိုယ် 
လူထုဒေါ်အမာလိုလို ၊ဂျာနယ်ကျော် မမလေးလို 
ထင်နေတဲ့ သူတွေရဲ့ကိစ္စ
ရန်ကုန်မြို့ကြီး မီးလောင်
ပျော်ရွှင်စွာ သားကောင်ချနင်းသူများ အကြောင်း
ဝေ့ကာဝိုက်ကာပြောနေရတဲ့ ဘာသာစကား
အနုပညာဆိုတဲ့  ခေါင်းစဉ်အောက်က 
ရူးသွပ်ခွင့် လိုင်စင်ကို 
ပေါချင်တိုင်း ပေါလို့ရတယ် ထင်နေတဲ့  အသိဥာဏ်နဲ့
အထင်အရှား မပြနိုင်တဲ့ လူ့ဘဝရဲ့ ဖြစ်တည်မှုများ
မင်းကရော ဘာကောင်လဲ မေးရင်
အကောင်တော့ အကောင်ပဲ  ဘာကောင်မှန်းမသိသေးဘူးလို့
ရိုးသားစွာဖြေမယ့်အကြောင်း
စိတ်ရဲ့ အပိုအလျှံများနဲ့  မဆန့်တော့တဲ့
စာမျက်နှာဟာ
ငရဲပွက်သလို  ပွက်လို့




MPM

Saturday, May 15, 2010

ကြည့်နေ မြင်နေကြ မြင်ကွင်းများ

အရှုပ်ထဲမှာပဲ ရှင်းအောင်နေချင်ပါသည်
အထုပ်များ  ရှုပ်လာခြင်းအားလဲလက်သင့်မခံတော့ပါ
သင်နှင့် သင့်နှုတ်ခမ်းများ၏ ငြီးတွားသံဟာ
ပျင်းရိဖွယ်ရာ တကိုယ်ရည် တေးသွားများ သက်သက်သာ
သံသရာမှာ သုံးကားပေါင်းမိုးလင်းပေါက် ဇတ်လမ်းမျိုးတွေနဲ့လဲ
ဖန်တရာတေခဲ့ပါပြီ
မာတာ ၊ပီတ မိနှင့်ဖ အား ကျမ်းစာ များမှ မွှေနှောက် ကိုးကား
သင်သာ အရိုးသားဆုံးဖြစ်ခဲ့ကြောင်း ချရေးပြခဲ့ဖြင့် ဂုဏ်ယူနိုင်ပါစေ
လမ်းပျောက်သော သားကောင်နောက်သို့  အများယောင်သလို
ကြောင်တောင်တောင် အမောင် တောင်မှန်းမြောက်မှန်း မသိ
လိုက်မိသည့် အကျွန်ုပ်ပင် အပြစ်ရှိသည် ဟု ထင်မိပါသည်
သောက်လက်စ အရက်ခွက် လွတ်ကျခြင်း  အမည်ဖြင့်
ရင်နင့်ဖွယ်ရာ စာသားများ ဟန်ဒရက်ပါဆင့်တိတ် ပါဝင်သော
ရှေးဖြစ်ဟောင်း အောက်မေ့ဖွယ်ရာ အနှစ် ၂၀ ရေဒီယို
တေးချင်းများ ထုတ်လွှင့်တော့မည် ဖြစ်ပါသဖြင့်
နားသောတ ဆင်လိုသူ သပ္ပူရိသအပေါင်းမှ
နှစ်ထောင်းအားရ ရှက်ဖို့မကောင်းအောင်
လက်တို့တောင်းနိုင်ပြီဖြစ်ပါကြောင်း  ။

MPM